TUKTU OVALO NOGAK HAVANGOYAOYOK

 

Loretta Kaniak

Ikaluktuutiaq, Nunavut

HIUKITAM KOGAANI

ENEKNEGET - ENOLGAMIIT MANIKIAKVIAT

AGASIMI, 1998-MI

TITIGAKTIIT:

SANDRA EYEGETOK - ATANGOYOK KAOYIHAIYONIT

NATASHA THORPE - ATANIITLOAK KAOYIHAIYONIT

SAPTAIPA 30, 1998-MI

 

 

 

PIQPAGIPLUGU ITQAUMAYAQQUT GEORGE KUPTANA

 

 

 

 

 

 

 

 

 

 

 

 

 

 

 

 

 

 

 

 

 

 

1916 - 1998

MAKPIGAP NAVAKVIKHA

 

1.0 MAKPIGAP ONIOTAIT *

2.0 HIVONIGHA *

3.0 PINAHOAKTAGHAT *

4.0 MANIKIAKHIMAYOT *

5.0 OPLOK TAMAAT HULIVAOHIIT *

5.1 INUIT KAOHIMAYOTOKANGIT ONIPKAT KATITIKHOGIT MAKIAKHIMATILOGIT *

5.2 AVAKPAOHIIT *

5.2.1 KINGNEK *

5.2.2 TALU *

5.2.3 AVAKHOTIK NAOTIALIKIYOT OKAOTIGIVLOGIT *

5.2.4 ANGONIAKNIKOT ANAOMATJJOTIGHAIT *

5.2.5 TUKTUHIOKNIK (AKTOKNIKLO NANMAKNIKLO) *

5.2.6 AVOIYAKNIK OVALO NIKILIKINIK *

5.2.7 MIKHOKNIK *

5.2.8 ONIPKAKNIK *

5.2.9 ATLAAT TOPIKAKVIKMI HOLILOGAGOTAIT *

6.0 NAINAKHOGO TOHAGAGHAK *

7.0 PIGIAKTIKOYAOHIMAYOT *

KOANA *

PITAKHIMAYOT NAONAIKHIMAVIKHAT *

1.0 MAKPIGAP ONIOTAIT

 

LENA KAMOAYOK TUPAGIAKTOK 4-MONGAKTOMI HANIAYAKNAHOAKHONI INOLAMIIT ILIHAOTIKHAINIK. PAAP HANIANONGAKHONI KAOMANIKMON, OKOTITAKTOKHONI PILAGALIKTA TITIGAOYAKHIMAYOK ALILAYOMI TUKTUNGOAK. KILAMIK INIHAINAKTA ILIHAOTIGINAKHOAGAMIOK. UNA TUKTUNGOAK LEANAP HANAHIMAYA AHYOIKHAOTIGINAHOAKTA INOLGAMIITNON OVALU KANOK PITIKHITLO KAGIYOITLO ATOKTAOVAKHIMAYOT TAIMANI. HANAKHAGHIMAYAIT TAPKOA PITIKHITLO KAGIYOITLO.

INOLGAMIIT TOPAOTAKTILOGIT LENA MAYOKAKMON TALUKAKTOMON KANILGOMI PIHOKTOK. INOLGAMIIT KAITKOIVLOGIT TOPIKMIN ILIKHAKVIKMON NUNAMI. HAMANI NUNAMI AYOIHAKTAONIAKHOTIK ANGONIAKNIKOT.

HIUKITAP KOGAANI

AGASI 1998-MI

LENATOT ENEGNEGIT QINGAUKMOITAT PITYOTIGIYAIT HAPKOA ILIHAOTIGHAT INGILGAAT AVAKPAOHIIT, ILITKOHIITLO PITKOHIITLO. OKIOKTAKTOMI ANGONIAKNIKGOT ANAOMAJJOTIGHAT MONAGITIAKTAKHAOYOT. TAIMA KAOHIMAJIAKTAKHAOYOT KANOK KINGONIVUT ANAOJIVAKTOT HILAKOT, NUNAKOT, ANGONIAKNIKOTLO. KINGOLIPTA INUIT ILITKOHIITOKAKTOT IMA ANAOJIKHANIK ANGOTIKHANIKLO. INUIT KAOHIMAYOTOKAIT OGOA ILITKOHIIT, ATOKPAOHIIT PITKOHIITLO TIGOMIYAOYOKHAT. OBLOMI NUNALGIT ATOLAKTAIT, MALIGALIOKTITLO NUNAVUT GAVAMAINI HAVAKTOT.

HAPKOA ONIPKAT NIPILIOKHIMAYOT KONGIALIOKHIMAYOT MAKPIGAKMONGAKHIMAYOTLO IKAYOTTAONIAKMATA NUNAVOP GAVAMAINOT TAPKOA MALIGALIOKTONOT. OGOA HAVAGIYAOYOT PIYAOLAKTON KIA-KONIT. INUIT KITIKMEOTAT ONIPKANGIIT ILITKOHIITOKAIT HIVONIKHAVOT ATOKAGHAGIGMAGITAOK. INOLGAMIIT ILALIOTIGAANGAMIK ENEKNINOT ILIITPAKTOT. MALIGALIOKTINOTAOK HAPKOA HAVAGIYAOYOT INUIT KAOHIMAYOTOKAIT TIGOMIYAOYOT IKAYOTTAONIAKMATA NUNA ATOKTAONAHOAKAT KANOKLIKGIAK. TEDJA INUIT KAOHIMAYOTOKANGIT IHUMAGIYAOYOT GAVAMANIT KITOLO KAOHIMAPKAIYOT KITIKMEONI. OYAKGAKHIOTIT INHUMAGIYAGHAIT HAPKOA TUKTUT MAJJAKTOT OVALO NOGALOIKVINGIT ENGILGAVIITLO. OYAKGAKHIOKTOT NAPAKTIGKATAKMATA KOYAGINAK OVATAOK INUIT ILITKOHIT ANGONIAKNIKOT ATOKTAOHOIGAMIK. IHUMAGIYAKHAVOT ENEKNIVOT IKIKLILIKTOT, KAOHIMAYOTOKANGIT TUKTUT MIGHAGO NIPILIOKTAOTINAGIT TITIGAKTAOTINAGITLO.

HAPKOA IHUMAGIVLOGIT ENEKNEGIT ILAOYOT IQALUKTUUTIAQMIN, QINGAOKMIT, KUGLUKTOMIT OVALO OMINGMAKTOMITLO, APIKOTIGINMATKO IHIVGIOKOPLOGITLO NIPILIOKOVLOGITLO INUIT KAOHIMAYOTOKANGIT OKOA QINGAOP TUKTOITAIT NOGALOIKVIITLO. TALVANGA TUKTU OVALO NOGAK HAVAGIYAOLIKTOK MALGOKNIK OKIONIK. TUKTU OVALO NOGAK ENEKNEGIT KATIMAYIIT ILALIOTIKOPLOGIT INOLGAMIIT KAOHIMAPGIALOGIT ONIPKAKVIGILOGIT, ILIHAOTILOGITLO TUKTUT MIGHAGO HAVAGIYAOKOLIKMAT. TAIMA ATAOHIKMIK PINGIAKNIKMIK ENEKNEGIT OVALO INOLGAMIITLO MANIKIAKTOT OVONGA INITOKAKNIKMOT OVANI HIUKITAP KOGAANI. TUKTU OVALO NOGAK HAVANGITA KATIMAYIIT IHULALIOKMATA HOMOT MANIKIAKGOMAYOT, TALVANGA IKAYOTINIAKMATALO TUKTU OVALO NOGAK HAVANGINOT.

UNA MAKPIGAK KAOHIPKAINIAKTOK HULIVAOHIIT MANIKIAKHIMATILOTIK ENEKNEGITLO INOLGAMIITLO. HIVOLIOYOK TAMNA HUMITGAIGA INITOKNIK HUOKLO TAHAMANI MANIKIAKGOMAYOT. INUIT KAOHIMAYOTOKANGIT TUKTUT MIGHAGO NIPILIOKTAONIAKMATA INUITLO KINGOLIVOT ILITKOHIIT PITKOHIITLO TIGOMIYNAHOAKLOGIT. OBLOK TAMAAT HOLIVAOHIITLO ONIOTAONIAKTOK. ENEKNEGIT ONIPKANGIT NIPILIOKTAOHIMAYOT, KONGIALIOTAOHIMAYOTLO TITIGAKTAOHIMAYOTLO MAPIGAKMI NUMIKTITAOHIMANGITMATA. NUMIKTITAOTAGOMIK NALAOMAGOMIKLO TAPKOA ONIPKAT NIPILIOKTAOHIMAYOT TOTKOKTAONIAKTOT KIA-GOT OFISIANI.

 

2.0 HIVONIGHA

 

OVANI 1997MI, ONA TUKTU OVALO NOGAK HAVANGOYAOYOK KATIMAYIIT OVALO NUNALGIT ILAOYOT UMINGMAKTUUQMIT, KINGAUKMIT, KUGLUKTUKMIT IKALUKTUTIAKMITLO IHOMALIOKHIMAYOT IMA ENIKNEGIT INOLGAMIITLO MANIKIAKOTIGHAINIK IHOMAVLOTIK HAPKOA ONIPKALIOKLOGIT KATITAOGOMIK IKAYOTINIAKTOK HAVAMOT. TAIMA AKHOKHOTIK HAVAKTOT AMIHOT INUIT OVALO IKAYOTITIAKMATA AMIHOT MANIIKNIK TONIOKHAIYOT, TAIMA APIKHIGAMIK KAITIYAOYOT IMA ATAOHIKMIK PINGIAKNIKMIK ENIKNEGIT INOLGAMIITLO MANIKIAKTOT OVONGA INITOKLIKMOT OVANI HIUKITAK KOGANI AGASI 7-14MOT 1997MI. OVANI INITOKLIKMI, ENIKNEGIT KAOYIMAYAMIKNIK ONIPKAKPAKTOT TUKTUT MIKHAGOT INOLGAMIIT OKAOTIVLOGIT OVALO AHYOGIKTOTIVLOGIT ILIITKOHITOKAKNIK ANGONIAKOTINIK.

HIUKITAK KOGAA OVANIITOK TONOATA KIVAATANI KINGAOP OVALO HIVOGANI UMINGMAKTOP. ONA KOGAK HIOGALIANGOVLONI TOATONIK AVALALIAKAKHONI. MOSES KOIKHOK OKAKTOK HAMNAGOK HIUKITAK KOGAA ATIKTAOHIMAYOK HIOGALIANGOGAMI. HAMNA NUNA IKALUKIAKPIAKTOK, ILANILO NATIKAKPAKHONILO TAIMANGAGALOK HAMNA NAALUK TUKTUT IKAKTAGVIGIVAKHIMAYAAT. ILA HAPGOA TATVONGA MANIKIAKHIMAKMATA HAPGOA KULAVAIT NOGAITLO KANGIKTAKTITLOGIT, AMIGAITONIK PANGNINIK TAGOVAKTOT OPLOK TAMAAT.

HAPGOA ENIKNEGIT ILAOYOT TILIYAOHIMAYOT HAPGONANGA TUKTUT & NOGAK KATIMAYIIT-NIT HAPGOALO INOLGAMIIT PIYAOHIMAYOT AKITAKOTAOTIVLOTIK IMA TITIGAOYAKHOTIKLONIIT OVALO TITIGAKHOTIK ONIPKALIOKHOTIK HOUK MANIKIAKOMAYAGHAMIKNIK. HAPGOA TUKTU & NOGAK HAVAKTIGHAIT PIYAOHIMAYOT KATIMAYIIT-NIT. SAM ITKILIK KAIHIMAYOK INUIT KONGIALIOKTIT KANATAMI (IBC) KAMANITOAMIIT MANIKIAKTOT KONGIALIOKIAKTOKHOGIT KANOK INUIT ILITKOHIIT KAOYIMAYAOVAGIAKHAITA TUKTUT & NOGATLO TAHAMANI KINGAOP HANIANI. ENIKNEGIT INOLGAMIITLO KAIHIMAYOT NUNANIIT KITIKMEOTNI.

TUKTU OVALO NOGAK HAVAKTINGIT INOLGAMIITLO ILIHAKPAKTOT OBLOK TAMAAT. HAPKOA ILHAOTIT IKAYOTAONIAKMATA HAVAKHAKHIOTONOT NUNAKAKTOT HOMILIGIAK. TUKTU OVALO NOGAK HAVAKTIT INOLGAMIITLO AYOIKHAKTAOVAKTOT KANOK ONIPKANIK EHIVGOIKPAKTOT ATOKHOTIK KAGITAOYANIK NUNAOYANIKLO OVALO ANGONIAKPAOHINIKLO EHIVGIOKPAKHOTIKLO NAOTIANIK. ATANILOAKTAOK AYOIKHAKTAOVAKGAMI KANOK TUFIVAKTOT ANGONIAKNIKGOT, NIKILIKNIKGOT OVALO TONIHIPKAKTAOGAMI INUIT PITKOHIINIK.

ILIHAKATAKHOTIK EHIVGIOTOT IKAYOKTIKATAKHOTIK PINAHOAKPAKTOT ILIHIMAYAMINGNIK. ENEKNEGIT ANGONIAKPAKHIMAYOT ONIPKAKATAKHOTIK KAOHIMAYAMINGNIK OVA HOGANIK, HILAMIK, NAOTIANIK OVALO TUKTUT NOGALIOKVINGITNIKLO. HAVAKTIT INOLGAMIITLO NUNAMINGNIK OKIOKTAKTOMI KAOHIMAPKAIVAKTOT. ATANILOAKTAOK ILIHIMAGAMI KABLOONATITOT TAPKONIGA "KAGITAOYANIK , MAKPIGANIK TITIGAOTINIKLO" AYOIKHAOTIGIVAKTAIT. (KUPTANA 1998)5 IKAYOTIVLOTA ILALIOTIVLOTALO KAOHIMAYAVOT ILIHAMAYAVOTLO HAKOGIKHIVAKTOT.

3.0 PINAHOAKTAGHAT

 

1997MI, HAPGOA TUKTU & NOGAK KATIMAYIIT APIKHIHIMAYOT IMA ENEKNEGIT INOLGAMIITLO MANIKIAKVIGHAT AOTLAKOTILONI AOYAMI 1998 ATOLIKAT. ENEKNIGET IHOMAGILOAKTAAT HIUKITAK KOGAA AKOIGIYOMAVLOGO ILA HAMNA NUNA TAIMANI INIITOKLIOHIMAGMAT TUKTUTLO INGILGAYAKTOKAKIHIMAKMATJJOK.

HAMNA NUNA MANIKIAKVIGHAK ONGAHIVAKTOK TUKTUIT NOGALIOKVIITNIT: IHUMAGIVLOGIT KULLAVAIT NOGALIKIYOT, KANITOMOT MANIKIANGITOGOT. ATPAKTINAGO AGASI NAMAGIYAOLIKMAT MANIKIAGIAMI OVALO KOPILGOKNAITILOGO PUNGNIKGIAKTILOGO.

HAVAGHAT IHOMAYIYAIT HAPGOA TUKTU & NOGAK HAVAGIYAIT IMA KATITIGILOTIK OVALO TOHAKTIKATAKLOTIK TUKTUT NOGATIGOTLO MIGHAGOT HAMANI QINGAOKMIOT NUNAINI TATVONA KONGIALIOKHIMAYOTIGOT, TITIGAKHIMAYOTIGOT OVALO NIPILIOKHIMAYOTIGOT. PINAHOAKTAGHAT AOLATYOTIGHAIT HAVOMA HAVAAP PITYOTIGINAHOAKNIAKTAIT IMA:

  • MONAGILOGIT TUKTUT NOGALIOKVIIT
  • ILALIOTIKATAKLOGIT KAOYIHAOTAIT HAVAKTOT MANIKIAKATAKLOTIK
  • OKAOTIKATAKLOGIT INOLGAMIIT ATOKOLOGIT AOLAKOLOGOLO OKAOHIKOT
  • HAKOMIKHIMALOGIT HAPGOA ILIHAOTIGHAT ATOKHIMAYAIT ENEKNIGET INGOLGAMIITLO; OVALO
  • TITIGAKLOGIT OVALO TOHAKTITIGATAKLOGIT HAINGINAKTOT INUIT KAOYIMAYAIT TUKTUT NOGALIKIVIITLO MIGHAGOT.
  • PHOTO

MANIKIAKHIMATITLOGIT, ENEKNIGET TIGOAKHIMAYAGIIKLOTIK KAOYIHAKTIT HAVAGHAINIK HAPGONINGA:

  • ONIPKAAT OVALO INUIT INGILGANIK KAOYIMAYAIT TIGOMIYAAKAKTOT KONGIALIOKLOGIT OVALO TITIGAKHIMALOGIT HIVONIGHAPTA ATOGAGHAIT.
  • INOLGAMIIT ILAOYAKAKTOT KAGOPKAILOTIKLO ILITIHIMAYAMINGNIK MANIKIAKATAOGANGAMIK; OVALO
  • MANIKIAKTONOT ILAOYOT ILITAAKAKTOT ATOKLOTIKLO NOTANIK INUINAQTUN OKAOHITNIK ATOKLOTIK INUIT KAOYIMAYAIT TUKTUT NOGALIKIVIITLO MIGHAGOT.

 

4.0 MANIKIAKHIMAYOT

 

TWENTY-EIGHT-GOVLOTIK INUIT MANIKIAKHIMAYOT HIUKITAKMI. NINE-NIK ENEKNEKAGHONI, INOLGAMIITAOK SEVEN-GOYOT, TALIMAOYOT HAVAKTIIT

AKILIKTAOYHIMAYOT, PINGAHOTAOK IKAYOKTOT, HITAMAOVLOTIKTAOK NUTAKAT. INOGIAKGALOAKHONI INUIT OKIONGIT ADJIKINGIVLOTIKLO OVALO NUNAKAKHOTIK HUMILIGIAK TAIMA NAMAGIYAOLIKTOK.

HAPGOA ENEKNIGET ILAOYOT MANIKIAKMATA:

AKANA, JOHN UMINGMAKTOK

ALONAK, JACK KUGLUKTOK

LENA, KAMOAYOK UMINGMAKTOK

KANIAK, DAVID IKALUKTUTIAK

KANIAK, MARY UMINGMAKTOK

KOMAK, ANNIE IKALUKTUTIAK

OMILGOITOK, BESSIE IKALUKTUTIAK

OMILGOITOK, PAUL IKALUKTUTIAK

TONOKAHAK, ELLA OMINGMAKTOK

HAPGOA INOLGAMIIT ILAOYOT MANIKIAKMATA:

AKOLUK, JASON KINGAOK

AKOLUK, STEPHANIE KINGAOK

ANGIVGANA, ARNOLD KUKLUKTUK

KAMOAKYOK, KAREN UMINGMAKTOK

KLENGENBERG, VANNESSA UMINGMAKTOK

MALA, NEAL IKALUKTUTIAK

NIPTANATIAK, CYNTHIA KUKLUKTUK

HAPGOA HAVAKTIT ILAOYOT:

ANGULALIK, MARTHA IKALUKTUTIAK

EYEGETOK, SANDRA IKALUKTUTIAK

KAKOLAK, EILEEN UMINGMAKTOK

PANEGYUK, GEORGE UMINGMAKTOK

THORPE, NATASHA VANCOUVER, BC

SAM ITKILIK KONGIALIOKIAKTOKHIMAYOK. BOBBY KAKOLAK OVALO SHENDRA THORPE IKAYOKHINAKTOK HANAKIYAGHAKAGANGAT, NOTAKIKIVLOTIK KIVGAKPAKHOTIKLO. OPLOMAAT POLAKATAKTOT ALLEN & ADALAIDE MAGHAKGAK, PETER & MARTINA KAPOLAK, CLARENCE & EMMA KLENGENBERG, OVALO IKEY & MABEL EVALIK.

 

5.0 OPLOK TAMAAT HULIVAOHIIT

 

INGOLGAMIIT ENEKNEGIT IHIVGIOKTITLO KAIVYIIKHOTIK INGITOT NUNAMOT TALUP HANIANI. MAYOKAKMIT AVALAKIAKYOAT HIAMAJAKHIMAYOTOT HANIANI HIOGALIAP TAKONAKTOT. TUPIT TEN-GOYOT ATAOHIKTAOK TUPIK HANAHIMAYOAYOK TUKTUP AMIANIT ILUNGOTIYOK NAMOT. TUPIKAKMITOTAOT IKHIVAYOT ILIHAKHOTIK — HIVONIKHAVOT TIGOMIYAIT KINGONIPTA ILITKOHIIT. KOGAP AVATANI NATIKMI AMAGOK NIGINIAKHIMAYOK OTIKATAKHONI HITIMINOT.

HIUKITAP KOGANI

AGASI 1998

OPLOK TAMAAT HOLIVAOHIGHAINIK KATIMAKATAKOIYOGALOIT ENEKNIGET. KIHIMI HILAOKHIMAKMAT HIVOTLIKMIK OPLOKMIK, ONA ATANIITLOAK KAOYIHAKTONI OVALO ATANGOYOK KAOYIHAKTONI TIGINGITMANIK TATVALO TAYAMALOITLO AKAGOHIKMATA. HIVOLIKMI OPLIYOT KATIMAVAKHOTIK OVALO INUGIKHIKLOTIK OVALO IHOAKHAIVLOTIK HINIKVIKHAMIKNIK OVALO TOPIKVIKHAMIKNIKLO.

TAIMA ENEKNEGIT HAVAKTIITLO OPLOK TAMAAT MAKITPAKTOGALOIT OPLANOAKMI 6:00 MI, HAPGOA ENEKNEGIT APIKHIHIMAKMATA KATIMAKATAKOMAVLOTIK 10:00 MI OPLAMI HOLIYAGHANIK IHOAKHAIYOMAVLOTIK. ILA HILA NALONAKATAKMAT, HOLIYAGHAVALOIT IHOAKHAKTAOKATAKTOT HILA KANOGITAGANGAT. OPLOK PITYOTIGHAT HAPGOA PITYOTAOYOT MANIKAMI AVAKTOT, ONIPKALOKAKATIGIIKHOTIK OVALO TOHAKOTIKATAKHOTIK INUIT ILITKOHINIK TUKTUT MIGHAGOT. ILANI AVIKTOKHOGIT MALGOKNIK KATIKATIGIGHOTIK HOLILOGAKTOGHAT. INOLGAMIIT AHYOIKHAKTAOVAGHOTIK INGILGAAT MIKHOKNIKOT.

ATLAATLO HOLILOGAKOTAIT PITYOTAOYOT ANGATJJOKHOTIK, ANAOLIGAKHOTIK OVALO HILAMI NIGIVLOTIK, INGNIKIVAKHOTIK , PAONGAKTAKPAKHOTIK, NIKILIKIVAKHOTIK IGAVAKHOTIKLO INUIT NIKAOTAINIK OHYOLIOKHOTIKLO MOKPAOYIOKHOTIKLO, IMMIKTAKHOTIKLO, GASILIIKTAKHOTIKLO,TAMAYALIKIVLOTIK OVALO IKAIVAKHOTIKLO. INOLGAMIIT OPLOK TAMAAT KONGIANGINAKTOT ILITAGINAHOAKHOGIT ANGOTIGHAT KANILGOMI.

KITITIGIVLOTIK NAONAIPKOTIGHANIK HAPGONINGA NIPILIOKHIMAYONIK, PIKSALIOKHIMAYONIK,OVALO KONGIALIOKHIMAYONIKLO APIKHOIVLOTIK ONIPKAGHAKHIOKHOTIK, ONIPKAGHOTIK, AVAKHOTIKLO. INOLGAMIITLO PIHIMAYAKAKTOT OPLOK TAMAAT MAKPIGAAKMIK TITIGAKVIGHAMIKNIK NOTANIK INUNINAQTUN OKAOHINIK, ILITKOHIKMINIK ATOKHIMAYAMINIK, ONIPKANIK OVALO HOLIVAOHINMINNIK.

 

5.1 INUIT KAOHIMAYOTOKANGIT ONIPKAT KATITIKHOGIT MAKIAKHIMATILOGIT

 

NUNAMITILOTIK ENEKNEGIT ILIHAOTIGIVAGAIT ILITKOHIIT HAPKOALO ANAOAJJOTIKHAT TUKTUT. INOLGAMIIT ILIHAOTIGHANIK OKTOKATAKHOTIK INUINAKTOTLO OKAOHIKOT AYOIKAKPAKTOT ILAOVLOTIK ENEKNINOT. IHIVGIOKTITAOK INOLGAMIITLO NIPILIOKHOTIK, TITIGAKHOTIKLO KONGIALIOKHOGITLO ENEKNEGIT ONIPKAKTILOGIT.

NAKOGIYAOLIKMAT TAIMA KITITIGIYAMI INUIT KAOYIMAYOTOKAINIK MANIKIAKHIMATILOGIT. IHUMAGIVLOGITLO KITOT ILIHAOTIKHAT TUKTUT MIGHAGO OKTOTIGILOGIT. TALVALO KITO HIVOLIONIAKTOK. KAOYIMAJOTIKHAT ONIPKAAT ONIPKAKGIVLOGIT POIGOKOYAONGITOT. HAPKOA ONIPKAT NIPILIOKTAOHIMAYOT IKAYTAOYNIAKMATA IHIVGIOKTONOT OVALO IHUMALIOKTINOT KITOLO NAONAIKHIOMAYOT.

OVATAOK ENEKNEGIT ONIPKAGOMAGAMIK INUIT KAOHIMAYOTOKANGINIK IMA INUIT ILITKOHIINIK POIGOKTAOKONGOPLOGO. ENEKEGIT ONIPKAKHOTIK ONIOTIPLOTIK KONGIAKTIPGAIVLOTIKLO ILIHAKPAKTAIT INOLGAMIIT. INOLGAMIIT TUKIHINGITGANGATA APIKHOIVAKTOT ENEKNINOT. ENEKNEGIT HIUKITAMITILOGIT IKPIGIVAKTAIT TAHAPKOA ILIHIMANGITOT ANAOTJIKHANIK NUNAMIT OVALO ANGONIAKNIKOT TUKTUT MIGHAGO. ILIHIMANGITGOMIK INUIT ILITKOHIINIK NUNAMITAGIAMI KAPIANAKMAT. ENEKENGIT MANKIAKHIMAYOT AKHOKHOTIK ILIHAOTINAHOAKPAKTAIT INOLGAMIIT KAOHIMYOTIGHANIK. IMA INUIT ILITKOHIIT, PITKOHIIT, ATOKPAOHIITLO TAMAKTAKHAONGITOT POIGOKTAKHAOGITOT KIHIMI TIGOMIYAOYOKHAT.

 

5.2 AVAKPAOHIIT

 

AVAKPAOHIIT PITYOTIGIYAIT HAPGOAT ILIHAOTIGIVLOGIT INGILGAAT ILITKOHIIT

KINGNEK, TALU, ANGONIAKPAOHINIK, TUKTUHIONIKOT, AAKTOKNIK, PILAKNIK NIKILIKINIKLO. NAOTIANIKLO IHOVGIKHOTIK OVALO OKAOHIGIVLOGIT ILITPATLIKTOT HOMIK TUKTUT NIGINIAKPAKGIAGHAITA OVALO KANOK ATOKPAGIAGHAITA MANIGAK.

ENEKNIGET IHOMAYOGALOIT ILIHAIYOMAVLOTIK HAPUTILIOKNIKMIK , KIHIMI AHYOKHAGAMIK KAYAK MAYOLAINAMIKO KOGLOKMOT. NAYOKTATIK HAPUTILIOKOMINAINMAT ENEKNIGET TONIKHIYOT KOVYAKTOGOMAVLOTIK TOPIKAKVIOP PANGANI INOLGAMIIT HAVAGIYAGHAINIK.

 

5.2.1 KINGNEK

 

MARY KANIAK AVAOJJOK INOLGAMIITNIK, ENEKNINIK HAVATONIKLO KANILGOMOT MAYOKAKMOT KAGOKOVLOGIT KINGNEK-MIK. KAOYIHAIYIIT IKAYOKTIIT INOLGAMIITLO ONIPKALIOKHOGO APIKHOKTAAT MARY KANIAK ENEKNEGIT IKAYOKHOGO MARY KIOKATAKTOT. HAMNA MANIKIAKOTIGIGANGAMIKO ILIHAKTOT APIKHOIVAKTOT, KONGIAKHOTIK, PIKSALIOKHOTIK, KONGIALIOKHOTIK, OVALO NIPILIOKHOTIK HOLILOGAGOTAINIK. MARY ONIKTOIVAKTOK HUNA, KANOK, KANGGA, HOUKLO HAMNA KINGNEK HANAYAOHIMAVA. OKAKTOK HAMNA KINGNEK HANAYAOHIMAYOK TAIMANIGALOK OVALO ILAITA ATOKPAGHIMAYAAT ANAGOHIOTITLOGO. INMIGOK ATOKTAONAHOGIVAGA OPLOMI.

ATAOHIK INOLGAMIIK APIKHOKTOK KANOK INUIT TAIMANI HANAVAKHIMAVAT KINGNEK-MIK OKOMAITONIK OHYAKANIK ATOKHOTIK. MARY ONIKTOIYOK INUIT TAIMANIGALOK INUHIKATIAKALOAKAMIK HAGOGIKALOAKAMIK TAIMA AOLAYAKAGALOAKAMIK ANAGOMAGOMIK MANIKAMI. OPLOMI ANAGAHOAGOPTA HAKOGIKIAKAGOIKTOGOT INUHIKALIKAPTA NUNALINI.

 

5.2.2 TALU

 

LENA KAMOAKYOK, JOHN AKANA, JACK ALONAK, HAPGOA ENEKNEGIT AHYOIKHAIVAKTOT KANOK HAPGOA TALUUT ATOKTAOVAGHIMAYOT TAIMANI INUIT HIKOTIKALANGITITLOGIT. LENA ENEKNIGET-LO OKAOTJJIVAKTOT KANOK TALUUT HANAYAOVAGIAKHAITA KANOK-LO ATOKTAOVAGIAGHAITA. LENA NAKHAKHIMAYOK HANAHIMAYONIK PITIGHIIT KAGIYOINIK OKAOTIGIVAGAIT KANOK HOMIKLO HAPGOA PITIGHIIT KAGIYOITLO HANAYAOVAGHIMAGALOAKMANGAAT TAIMANI. LENA HANAHIMAYOK TUKTONGOAMIK PITIKTAGHAMIK TALU ATOKHOGO. INOLGAMIIT AHYOIKHAKTAOYOT ENEKNIKNIIT KANOK ATOKPAOHITNIK PITIKHIIT. TAMAITA ILIHAKTOT ILIHAOTYAOYOT MAKAKAHOAKOVLOGO TUKTONGOAK.

ATAOHIK INOLGAMIK OKAKTOK TAMNA-GOK LENAP PITIGHIIT AHYONAITOTOT ITTOK ATOKIAMI. KIHIMI INMI OKTOGAHOAKLIKAMIOK, ILIITOGIYA HAMNA AHYOIKHAOTIGIHIMAITOMIK AHYOKNAKTONIKTOK. HAPGOA INOLGAMIIT KOVIAHOKTOT ILIHAKGAMIK TALUNIK OVALO PITIKTAKPAKAMIK. PIGIAKNIK NANIGOKPATLIANGMAT, INOLGAMIIT OKTOKPAKTOGALOIT PITIKAGAHOAKHOTIK TUKTONIK TAGOGANGAMIK. KIHIANI, ILITPATLIKIAKAGAMIK TUKTONGITOT. ENEKNEGIT NANGAGIYAIT KOYAKIVLOGIT INOLGAMIIT OKTOKHIMAKMATA.

 

5.2.3 AVAKHOTIK NAOTIALIKIYOT OKAOTIGIVLOGIT

 

PILIHAKTITLOGIT PINGIAKNIKMI, AVIKTOKHIMAVLOTIK TUKTOP AMIANIK TOPILIOKHIMAYATA ELLA TONOGAKHAK PANEGYUK HANAOYANI TOPIKMIOVAKTOT ILIHAKHOTIK KANOK HANAYAOHIMAYAGHANIK HAPGOATAOK ILAIT AVAKPAKTOT MANIKAMOT NAOTIALIKIVLOTIK. ENEKNEGIT AGITJJIYOT TAHAMONGA ATLATKINIK NAOTIAKAKNIKMOT TATVANI APIKHOIVAKTOT ONIPKAGHANIK INOLGAMIIT KAOYIHAIYITLO. OKAOHIKAKTOT HOMIK TUKTUT NIGINIAKPAGIAKHAITA, HOMILO HAPGOA NIKAOTAIT HATKOMIKPAGIAGHAITA OVALO ILITAGINAHOAKHOGIT ATLATKIIT NAOTIAT AITJJOHIIT INUINAQTUN. BESSIE OMILGOITOK AHYOGIKTOIYOK KANOK TUKTUT NIGINIAKPAGIAKHAITA AVALAKIANIK.

AHYOGIKTOIVLOTIKLO INOLGAMIIT-NIK KANOK ILITAGIVAGAINIK HOMIK TUKTUT NIGIVAKIAKHAITA IHIVGIOKHOGIT AKIAGOKMIOTAIT. ENEKNEGIT OKAKTOT TUKTUT-GOK NIKINAGIYAIT HAPGOA AVALAKIAT HAPGOALO AKPIIT. MALIKAVLOTIK KANOK GEORGE KUPTANA OKAOGIHIMAYAITNIK HOIKTINANI, JACK ALONAK ONIKTOIYOK TUKTUT NIKINAGIKPIAKTAIT HAPGOA IMAGITKOTAIT NAOTIAT. OKAKTOK HAPGOA NAOTIAT TUKTUT IMAGITKOTIGIVAGAIT KANIITA KINIHIMATYOTIGINGMAGIT.

 

5.2.4 ANGONIAKNIKOT ANAOMATJJOTIGHAIT

 

JACK ALONAK, PAUL OMILGOITOK, JOHN AKANA, GEORGE PANEGYUK MANIKAMOT AVAKATIGIHIMAYAIT INOHOKTOT ILIHAOTIVLOGIT INUMINGIIT TAKTILIKITYOTAINIK OVALO ANAGAHOAKOTIGHAINIK. ONA AVAOTIGIHIMAYAAT ILIHAOJJIKAKTOK KANOK ILITOGIHIMAYAKAKMANGAT ALANGOKPAOHIANIK HILAAP OVALO PITIAKNIKOT ANGOTIGHANIK PITYOTIGIVLOGIT INUIT ILITKOHIITOKAIT, ONIPGANGINIK, OKPIKIHIMAYATOKAINIK. INOLGAMIIT ILIHAKTITAOYOT KANOK NUNA ATOKTAOVAKIAKHANIK TAMANAITOMIK.

 

5.2.5 TUKTUHIOKNIK (AKTOKNIKLO NANMAKNIKLO)

 

GEORGE PANEGYUK, PAUL OMILGOIKTOK, JACK ALONAK, JOHN AKANA-LO AOTLAOKATIGIYAIT INOHOKTOT TUKTUHIOKHOTIK KOGAAP ILOANI. INOLGAMIIT ILIHAOTJJAOVAKTOT PIYOMINAKTONIK ANGONIAKPAOHIGHAINIK TAGAKTOKHOTIK, AAKTOKNIK,PILAKTOINIK NANMANIKOTLO TUKTUNIK. ILIHAOTJJAOVAKTOT KANOK TAMAKIGAHOAKHOGO TUKTU ATOKTAOVANGMANGAT. ATKONAKHIMAYOT TUKTUHIOKHIMAGAMIK TATVA ANGILGAOTJJIYOT ANGIYOALOKMIK TONOLIKMIK PANGNIKMIK HAPGOA AKNAAT NIGILIKIVIGHANIK.

TUKTUHIOKTILOTIK ENEKENGIT ONIOTIVAKTOT HUMOT TUKTUT ENGILGAVAKTOT OKIOK TAMAAT. NIPILIOKTAOVAKTOTLO NAONAIKHIKMATA HUMIK TUKTUT NEGENAHOAYOKTOT HUMILO NALVAKNAKTOT. ILIHAOTIVAKTOT ANGONIAKNIKGOT OVALO NAONAIKHOGIT KITOT PUNIIT TUNAKTOT. GIOKATAKHOGIT INOLGAMIIT NAONAIHIOMAYOT KOYAGINAK.

JACK ALONAK ONIKHIOKTOK OTAKINGOKTAILIYAKAKTOT OVALO HOMITLO ANOGI ANOGHAKMANGAAT. TUKTOP-GOK NAIYAGAGINGITATIT OPALIKONI. KANGOKTAILIYAKAKTOTIT OTAKILOTIKLO OPINGAKAHOAKLOGO TUKTU. TATVALO HIKOKIAKAKTAT TUKTU KONGOHIAKAHOAKLOGO TAIMA

ENOTOKAK PAUL OMILGOITOK AYOIKHAOTIYOK ARNOLD ANGIVRANALO JASON AKOLUKLO KANOK AMIYAIVAKTOT TUKTUNIK.

 

 

 

 

 

 

 

 

 

 

 

 

 

 

 

 

 

 

 

 

 

ENEKNEGIT ONIPKALOKAKHOTIK ONAGOIKHIKPAKTOT NAONAIKHIVAKHOTIKLO HOMIK INOLGAMIIT ILIHAKPAKTOT.

TOKONAKIKIANGANI. ITKAOMAVAKTOK ALONAK TAIMANI TUKTUHIOTILONI MALGOKNIK PITIKHIVAKTOK OTAOHIMOT KAGIYOKMON.

PAUL OMILGOITOK, GEORGE PANEGYUK-LO ATAOTIGOT HIKOKAMIKO TUKTU HOGIMA-GOK ATAOHINAK HIKOGIAKHIMAYOK. PANGNIK-GOK TOKOINAKHIMAYOK. INGOLGAMIIT KATIKHOKHOTIK TUKTOPMOT ILIHAKPAKLIKTOT AAKTONIKMIK. JOHN AKANA, PAUL OMILGOITOK, JACK ALONAK-LO ILIHAOTJJIYOT INOLHOKTONIK KANOK PILAKHAOHIKMINIK. OKAOJJIYOT KAGAGILOGO PILAKTOGIAKAKTAAT AMIA , OKIAGHAMIVATLAAK, TAIMA NAKONIKHAONIAKMAT AKNAAT ATOGAGHAAT. AHYOGIKTOINGMIYOT INOHOKTONIK KANOK NANMAKPAOHIKMINIK IMA HAMNA KATIGAA ILIKTOIVLOGO, KAGIAMOIT ILOANONGAGHOGIT HAMNALO KAKIAMOA HIMIKTOTIGIVLOGO OKPATIKAKVIANOT. KINOANI, INOHOKTOT ILITIYOT NANMAGAGHAMIKNIK. ATAOTIGOKHIYOT AHYOKNAKNIKMAT NANMAKIAMI OKOMAITOMIK. ENEKNEGIT OKAOTIYAIT NANMAKPAKHIMAYOT-GOK ONGAHIKTOMOT IMMAKTONGITOK NOTKAGATAKMATA INOHOKTOT.

ANGOTIT ILIHIMANGMATA TUKTUHIOKNIKOT, HUMI TUKTOT NEGENIAKPAKTOT, NULIALIGANGAMIK, ENGILGAVIIT OVALO NOGALIOKVINGINIK. TUKTUHIOKTILOGIT INOLGAMIIT APIKHOKATAKPAKTOT KOYAGINAK TAIMA IHIVGIOKTONON IKAYOTIVAKTOT KAOHIMAPKAKHOGIT. ATANILOAK APIKHOKATANGITMAT INAVIKOTAOGOMHOIGAMI, KIHIMI OTIKATA MANIKIAKVIKMOT. INAVIKOTAITOMIK ENEKNEGIT NAKOYOMIK TUKTUHIOKMATA ONIPKAKHALIOKTOT OTIGOMIK. TAPGOATAOK IHIVGIOKTIT MALAOHIMANGITOT TUKTUHIOKTILOGIT APIKHOTIKAKNIAKMATA TUKTUHIOKNIP MIGHAGOT.

ATAOHIK INOHOKTOK KOVIAKHOKPIAKTOK ILA TUKTULIAKHIMAYONOT MALAONGAGHIMANGITNAMI. KOYAKPIAKTOK TAIMA OKTONGAKHONI HIKONMOT TUKTONGAKAMI OVALO AAKTOKHOGO NANMAKHOGOLO. HAMNA ILITKOHIGHA TUKTONGAKAMI POIGOLAIKHOGO ILIHAOTIGIVLOGO IKPIGIYA OMA INOHOKTOP.

TAIMA TUKTULIAKHIMATAGAMIK, KAGONAKHIYOK INUHIA KOTIGHIVATLIAYOTOT ILIOKTOK OVALO NANGAGIVATLIAVLOGO PITIALIKTOK INUIT ILITKOHITOKAINIK.

 

5.2.6 AVOIYAKNIK OVALO NIKILIKINIK

 

ATKONAKHIMATAKTITLOGIT ANGOTIT, HAPGOA AKOTJJAT LENA KAMOAYOK, MARY AKANA, ANNIE KOMAK, BESSIE OMILGOITOK OVALO ELLA TUNOKAHAK PINAHOALIKTOT HANAKIVAOHIKMINIK NIKILIKINIKMIK. TAMAITA AKOTJJAT HANAKIYOT NIKILIKIVLOTIK MIPKOLIOGAGHANIK NIGLAOMANIKATAKHOGO NIKI, ATLATKINIK PILAKPAOHIKMINIKLO ATOKHOTIK, AMIALO HANAKIVLOGO, HALOMAKTIKHOGO PANIKHIKHOGOLO IVALOA, OVALO KIHINGOKATAKHOGO HAMNA NIKITAOGITOK NIKKA. AKNAKGOTIT KILANAAGIVLOGO NIKI TIAVAGAAT ENEKNEGIT KONGIAKTITLOGIT. AHYOGIKTOIYAOVAKHOTIKLO MONGAGITJJOHIGHAINIK KAYAKNAOHIANIKLO ULU -NIK.

AKOTJJAT PINAHOAKTILOGIT ONIOTIVAKTAIT AKNAGOJJIT NIKILIKIYAGAGAMIK IHUMAGIVAKLOGIT INUIT TAMAIT. ULU-TOKHOTIK MIPKOLIOKPAKTOT ADJJIKINGITONIK. ELANGIT KINIPAVLOTIK MIPKOKHAT ENEKNIT IHUMAGIVLOGIT. ELANGITAOK TIAYAOYOT HALIVLOGIT INOLGAMIIT PANIKPIAKTONIK MAMAGIKMATA. AKOTJJAT ONIOTIVAKTAIT AKNAGOTJIIT PAYOKNIKOT OVONGA ENEKNINOT, ILIAKYONOT OVALO ANGONIAKJJIKANGITONOT. IHUMAGIVLOGIT INUIT TAMAITA NIKILIKIYVAKTOT.

ENEKNEGIT ILIHAIVAKMIYOT AKNAKOTINIK KANOK PAOKTOKPAOHINIK AMIKNIK. AKNAKOTIT KIYOKNIK ATOKPAKTOK POTOKIVLOGO AMIA PANIKHIKTOGHA MANIKAMI. KANGOGONOAK, ENEKNEGIT OKAOTIYAIT AKNAKOTIT IGLOANOT HATIKOVLOGO AMIA HALOAKHIKTOGHAK. KINGOANI PIYAKHAIYALIKMATA, ENEKNEGIT ANGILGAOTYIYOT PINGAHONIK KAGHANIK.

ATAOHIK AKNAKOTHIK KOVIAHOKPIAKTOK MIPKULIOKNIKMIK IMA TOHOVLONI OKAKTOK ANGOTINGOK TUKTOTPATLINGINIKAMIK! TEDJA AHYOIKHIMALIKAMI, ANGILGAKOMI NUNAMINOT ILIHAOTINIAKTOGIYAIT ILANANI ILAGOTINILO. TAIMA ILITIHIMALIKAMI MIPKOLIOKATAONGINAKIANIKTOK KANGOGO.

ANGOTIT KAOHIMANGMATA PINAHOAKNIKOT ANGNATAOK KAOHIMAYOTAOK NIKILIKINIKOT. ANGNAT ILIHIMANGMATA KANOGITNINGA TUKTOM NEKIA ILATIGILAKMATA KAKOVINIKAT, KAKOLAKAKVINGIT POVIKHIMAYOTLONIIT TONGOTIHIMAYONIKLONIIT. ILIHIMAYOTAOK HOMIK TUKTUT NEGEYVAKTOT IHIVGIOKHOGIT NEGOKANGIT NEKILONIIT TIPIGIKPAT. TUKTOT TIPKAKTOT TINGAOYATOT OKIOMI, AOYAMITAOK AVALAKIAKYOAKTOT TIPIKAKTOT. KIHIMI ILITAGIYAKHAOYOT TAMANGNIK ANGOTIT ANGNATLO KAOHIMAYAMINGNIK ONIPKAKTOT TUKTUT MIGHAGO.

 

5.2.7 MIKHOKNIK

 

ANGOTIT ANGONIAKTITLOGIT, AKNAAT ILIHAOTJJIVAKTOT ONIPKAGNITANIK OAVLO MIKHOKNIK-MIKLO. AKNAKOTIIT ILIHAOTJJAOVAKTOT ILIITIGINIKMIK MIKHOKNIKMIKLO INGILGAAT ANOGANGOTIGALOANGITNIK HAPGONINGA POALOKNIK,AHLIKTIGNIK, ILIPIKONIKLO. AMIHOT HAPGOA AKNAKOTIT MIKHOKPAKTOT POALOKNIKLONIIT AHLIKTINIKLONIIT ANGILGAOTJJIYAGHAMIKNIK ITKAGATAOTIGHAMIKNIK TAHAMANIITNAMIK. MAMIANAOGALOAK, KIHIMI HALOKHITIT IKTOKHITITLO HAGHAKTAONGITNIKMATA AKILIHAOTIGHAIT AMIIT MIKHOGIAMI, KIHIMI ATLATKIIT TUKTUT AMIIT ATLANGOKANGATLO HILA TUKTUT AMIIT OKAOTAOVAKTOT.

 

5.2.8 ONIPKAKNIK

 

NALAKHOGIT ONIPKAGIYAIT ENEKNEGIT TOHAKNAAKNAKTOK OPLOK TAMAAT. AMIHOT ONIPKAAT ILITKOHIKAKTOT IMA TONIKTAKAHOTIK, ONIPKAVINIIT OVALO ATOKTAOVAGHIMAYOT. ENOTKOTJJAT ONIPKAKPAKTOT NOTAGAOTYOHIKMINIK OVALO ANGONIAKPAOHIKMINIK KINMIKTOKHOTIK, AVAKATIGIVLOGITLO KINMIIT

 

ENEKNEGIT ONIPKAKTILOGIT INOLGAMIIT NIPLIOPAKTOT TITIGAKHOTIGLO APIKHOIKATAKHOTIKLO ILHAKPAKTOT.

 

 

 

 

 

 

 

 

 

 

 

 

 

 

 

 

 

 

 

 

ENEKNEK MARY KANIAK IILIHAOTIYAIT PITIK NIPTANATIAKLO OVIK AKILUKLO KANOK KAKHATOT HANAVAKTOT AVALAKIANIT .

IGLOGITAAKTITIVLOTIKLO HAMALO ATOKPAOHIKMINIK INGILGAAT HANATGOTAINIK. JACK ALONAK ONIPKAKTOK TAIMANI-GOK MALGOKNIK TUKTUHIMAYOK ATAOHIKMOT PITIKHIKMOT. NOKAGIIK LENA KAMOAKYOK MARY KANIAK-LO ONIPKAKPAKTOK HOMOT AOLATPAGIAKHAMIKNIK AKNAKOHIOVLOTIK.

5.2.9 ATLAAT TOPIKAKVIKMI HOLILOGAGOTAIT

 

ATLAAT HOLILOGAGOTAIT PITYOTIGIYAIT HAPGOA TOVYAKNIK AMAAKONIK, PAONGAKTAKNIK, ANAOLIGAKNIK IHIKHIVLOTIKLO, NALOYAKNIK, IMMIKTAKNIK, HANAKINIK TOPIKMIOVLOTIK, AVAKNIK, IKAINIK, IIKTAOHIMAYONIK NALVAKHIONIK, ANGATJJOKNIK, OLAPKINIK, KILAOTJJAKNIK HOKOLAKNIKLO.

HAMNA IIKTAOHIMAYONIK NALVAKHIONIK ILIHAOTIGIKPIAKTAIT INILGAMIIT. ENEKNEGIT IKAYOKTOT NALVAGAGHANIK TITIGAKHOTIK OVALO AHYOKNAKHINAHOAKHOGO INOLGAMINOT, PIKOIYOT TITIKAAT INUINAQTUN TITIGAKOVLOGIT. HAPGOA TITIGAKTAOHIMAYOT OGYOK, GUNGOYAK, PATAK, AKPIK, AVALAKIAK, PAUNGAKOT, TULIMAK.

NUKIK ATLANIKLO. ILIKOT HAPGOA NALVAGHAT OKAOTAOLGAKHOTIK TAHAMONGAHAKHOTIK TAIMALO INGOLAMIIT TOHAKITAOKATAKHOTIK POIGOGANGATA ATINIK, INOLGAMIIT OKALAKATAKIAKAKTOT INUINAQTUN OKAGAINGOMIK ENEKNINOT OVALO MAKPIKAMINIK TITIGAKHIMAYOK TITIKIYAKAKHOGO. HAMNA NATVAKHIOKNIK ENEKNEGIT IKLAKHOTIK PIHIKAIKOTIGIVAGAT KOLVILIKALOTIK TAIMALO AHYOIKPATLIATYOTIKIVLOGO INOLGAMIIT INUINAQTUN OKAGIAMI. TAMAITA INOLGAMIIT AITOKTAOHIMAYOT AKIYAGHAMIKNIK HAPGONINGA PINIKOTINIK,NAHAKNIK,ILOVGOANIK TITIGAOTINIKLO HAPGOA TONIYAOHIMAYOT IKAYOKTONIT KATIMAYIVALOITNIK HAPGONANGA KEDC-KUT, KIA-KUT, NIRB-KUT, NPC-KUT, NTI-KUT, OVALO NWMB-KONIT.

TATVATAOK AIPA HOLILOGAGOTAAT HAMNA KILAOTJJAKNIK HOKOLAKNIKLO. MANIKILIHAKTITLOGIT, ENEKNEGIT ILIHAIGALOAKMATA HOKOLAKHOTIK, KILAOJJAKHOTIKLO TUKTOP AMIANIK KILAOT ATOKHOGO. TATVANGA, INOLGAMIIT KILAOJJAKATALIKTOT ONGAHIAKHOTIK ONOGANGAT HOLIYAGHAKANGITAGANGAMIK. INOLGAMIIT NALAKTAONGINAHOGIVAKTOGALOIT, ENEKNEGIT NALAKPAGAIT. AHYOKALOAKHOTIK INOLGAMIIT TOHAKNAAKNAKTOT TAIMA KONGAYANGATIGIVAGAAT ENEKNEGIT NANGAGIVAGAIT.

 

6.0 NAINAKHOGO TOHAGAGHAK

 

HAMNA ENEKNEGIT INOLGAMIIT MANIKIAKVIAT ATKONAKPIAKTOK. NAKOYOMIK AOLATIAKTOK, TOPIKHIMANMATA NAKOATOK AOLAYOK TOHAKTIGITIAKHOTIK, KATIMAKATIGITIAKHOTIK ONIPKATIAKHOTIKLO, TATVALO, PIONIKHAOYOK, OKAOJJITIAKHOTIK, AHYOGIKTOIVLOTIK OAVLO ILIHIMAYAMIKNIK OKAKHOTIK ENEKNEGIT. INOLGAMIIT PITIAKHOTIK, NALATIAKHOTIK OVALO ILIHAKOMAVLOTIKLO PITIAKMATA OKOGAGAMIK. ONIPKAAT TATVONA TUKTUT NOGALIKIVINIKLO TOHAKNAKNAKHOTIK TATVALO AMIGAITOT NAONAIPKOTIGHAT KITITAOVAKTOT. PIKATIGIIKHOTIK ENEKNEGIT INOLGAMIITLO ATOKTAIT INUIT ILITKOHITNIK NIPILIOKMATA TAVONA ITKAOMAYAONIAKMATA.

 

7.0 PIGIAKTIKOYAOHIMAYOT

 

HAMNA ENEKNEGIT INOLGAMIIT MANIKIAKVIGIHIMAYAAT PIONIKHAOYOK IMA ILIYAOTJJITIAKOTAONGMAT INOLGAMIIT-NOT, IMAVATLAAK HAPGONONGA AOLANGAKHIMAITONOT MANIKAMOT. NIGIOGIYAOYOK HAMNA MANIAKIAKOTAAT TAMNALO KITITIKHIMAYAAT NAONAIPKOTAGHAK, PIYOMINAKHAONIKMATA IMA AOLAKOHIMAKOMAVLOGO HAMNA INUIT ILITKOHIIT KAOYIMAYAITLO TUKTUT NOGALIKIVIITLO MIGHAGOT TAHAMANI KINGAOKMIOT NUNAGIYANI.

HAMNA PITYOTAOHIMAYOK TITIGAKHOGO KAOYIMAPKOVLOGIT NUNALGIIT, MANIKIAKHIMAYOTLO HAPGOALO KAVAMANI KATIMAYIVALOIT, INUIT KAITMAYIIT, OHYAKAGHIOKTITLO PIONIKHAOYOK HAMNA ENEKNEGIT INOLGAMIITLO MANIKIAKVIIT AOLAPKAGAHOAKLOGO, TOHAKTITIKATAKLOGO OVALO NIPILIOKLOGO INUIT KAOYIMAYAIT OAVLO ILITKOHITOKAIT. HAVAGIYAOHIMAYOT OVANI MANIKIAKMATA INIKOTIGIVATLIANIAKMATJJOK TUKTU & NOGAK HAVAGIYAOYOT. HAPGOA IKAYOTTAONIAKMATA KAVAMANOT IHOMALIOKOTIGILOGIT TAMAITNI MONAKITJJOTIGHAINIK TUKTUT OVALO NOGAITA AOLAVIITNI OAVLO KITONOTLIKAAK KAOYIMAPKAINIAKMATA PIOYOMINAKNIAKMAT PITIAKGAHOAKTAGHAGIGAPTIGO HAMNA INUIT ILITKOHIITOKAIT HIVONIGHAVOT ATOKAGHAGIGMAGITAOK.

 

KOANA

 

HAMNA HAVAGIVLOGO TOHAGAGHAK, TUKTU & NOGAK HAVAGIYAIT KOYAGIYOMAKPIAKTAIT AMIHOT HAPGOA ENEKNEGIT, INOLGAMIIT, KAOYIHAKTIIT,HAVAKTIITLO TONIKHIHIMAVLOTIK AKHOKMATA MANIKIAKVIT HAMNA AOLAPKAKMATJJOK. PIKATAONGITPATA, HAMNA MANIKIAKVIK ATKONALAITOGALOAK.

KOYAGIYOMAYAKOTLO HAPGOA MANIIKNOT IKAYOTIAKMATA, IKAYOTIAKMATALO HAVAGIYAPTINIK: OKIOKTAKTOMI KAOYIHAKTIT, KATIMAYIIT KANATAMI ILIHAKPATLIKVIIT, BHP -KUT OHYAGAKHIOKTIT, CANADIAN NORTH TINMITJJIKIYIIT, NUNATIAQ-KUT KAVAMAIT, ( HAVAKVIAT OMAYOLIKIYIIT & PIVATLIALIKIYIIT OVALO ILIHAKTOLIKIYIIT), FIRST AIR TINMITJJIKIYIIT, KANATAMI PIVATLIALIKIYIIT, INUIT KONGIALIOKTIT KANATAMI, IKALUKTUTIAK KOAPANGAT, ENOTKOAKAKVIK, IKALUKTUTIAK ANGONIAKTIT KATIMAYIIIT

KITIKMEOT PIVATLIALIKINIKOT MANIKTAKVIAT, KITIKMEOT INUIT KATIMAYIIT, OKIOKTAKTOMI KAOYIHAIYIIT ILITPATLIKVIAT, KAPPANIIT, NUNAVUT-MI ILIHAKPATLIKVIIK, NUNAVUTMI KANOGILIVALIANIGHAAKOT ILITOGHAIYIIT, NUNAVUTMI PAKNAIYAKTOT KATIMAYIIIT, NUNAVUT TUNGAVIK TIMINGAT, NUNAVUTMI ANGOTIGHATIGOT MONAKTIIT, SIMON FRASER ILIHAKPATLIKVIK, UMINGMAKTOK ANGONIAKTIT KATIMAYIIIT, OVALO OATANI KITIKMEOT ITKILIITLO KATIMAYIIT.

 

 

 

 

 

PITAKHIMAYOT NAONAIKHIMAVIKHAT

 

FERGUSON, M.A.D., WILLIAMSON, R.G. OVALO F. MESSIER. 1998. INUIT KAOHIMAYOTOKANGIT UGUA TUKTUT NAPAGAKTOKMIOTAT AMIGAINIGAIT. ARCTIC 51 (3):201-219

ITKILIT ENOTOKAIT. 1997 ITKILIT OKAOHINGIT NUNAKOT. ITKILIT ANGUTIGATIGOT NUNAKOT KATIMAYIIT. INUVIK, NT: ITKILIT TITIGAOYAHIMAYAIT.

SCOTT, J.C. 1998. "HATOT NAONAITKOTIKHAT OVALO KAOHIMAYAOYOT: ITKILINIIT" TAOTOKHOGIT: KANOK IHUAKHIYAONAHOAT INUHIKOT PIYAONGITOT. NEW HAVEN: YALE UNIVERSITY PRESS 309-341

THORPE, N.L. 1997. TUKTU OVALO NOGAK HAVANGIT: INUIT KAOHIMAYOTOKANGIT OVA QINGAOP TUKTUITAIT NOGALIOKVINGITLO. ARCTIC 50(4): 381-384.

THORPE, N.L. 1998. HIUKITAMI ILHAOTIKAKHOTIK TUKTUT MIGHAGO: KATITIKHOTIK INUIT KAOHIMAYOTOKAIT ONIPKANIK MANIKIAKJJILOTIK ENEKNEGIT INOLGAMIITLO. ARCTIC 51(4) TITIGAKTAOYOK.